күштер мен құралдарды бытыратып орналастыру

(Рассредоточение сил и средств)

қарсылас-тың жою құралдарынан болатын шығындарды азайту мақсатында жүргізілетін шара. Бастапқы аудандарда (шоғырландыру аудандарында, қорғаныс аудандарында) құрамаларды сирете орналастыру арқылы әскерлерді (күштерді) ілгерілету кезінде бір-бірінен белгіленген қашықтықта бағыттас жолдарды таңдау және машиналар, бөлімшелер, бөлімдер араларында тиісінше арақашықтықтар жасау арқылы жүзеге асырылады. Бытыратып орналастыру дәрежесі орындалатын тапсырмаға, басқару мүмкіндігіне, жергілікті жер сипатына, жыл мезгіліне, метеорологиялық, ауа райы және т.б. жағдайларға байланысты. Ядролық қару- мен қарулануға орай Қ.к.б.о-дың ең төменгі шегі қатар әрекет етуші (орналасқан) бөлімшелердің (бөлімдердің) бір мезгілде шығынға ұшырауына жол бермеу есебімен анықталады.